Ачылыш аземине Кыргыз Республикасынын башкы прокурору Максат Асаналиев, ошондой эле жергиликтүү мамлекеттик органдардын жетекчилери, прокуратуранын кызматкерлери жана ведомствонун ардагерлери катышты.
Максат Асаналиев өз сөзүндө жаңы имаратты пайдаланууга берүү прокуратуранын ишин уюштурууну жакшыртууга жана жарандардын кайрылууларына ылдам жооп берүүгө мүмкүндүк берерин баса белгиледи.
Ал ошондой эле укук коргоо органдарын чыңдоо боюнча мамлекеттик программа алкагында өлкөнүн ар кайсы региондорунда прокурорлор үчүн жаңы административдик имараттар жана кызматтык турак жайлар куруу улантылып жатканын кошумчалады.
Имарат заманбап стандарттарга жооп берет жана кызматтык милдеттерди эффективдүү аткаруу үчүн бардык зарыл жабдуулар менен камсыздалган, бул мыйзамдуулукту камсыз кылууга жана жарандардын укуктарын коргоого көмөктөшөт.
