Бул тууралуу Turmush агенттигинин кабарчысы маалымдады.
Жыйындарга жогорку класстын окуучулары, алардын ата-энелери жана билим берүү мекемелеринин администрациясы катышты.
Иш-чарада райондук жол кыймылынын коопсуздугун камсыздоо бөлүмүнүн начальниги Азис Аблабек уулу жана участковый инспектор милиция капитаны Айбек Кыдыралиев катышты. Алар жол кыймылынын эрежелерин сактоонун маанилүүлүгү жана өспүрүмдөр арасында укук бузуулардын алдын алуу боюнча маектер өткөрүштү.
Талкуу учурунда ата-энелер балдарына алыскы аймактардан мектепке баруу үчүн транспорт бербеши керектиги белгиленди. Мындай фактылар аныкталган учурда мыйзамга ылайык айып пулдар жана башка чаралар каралган.
Ошондой эле ата-энелерге кечки сааттарда балдарды көчөгө чыгарбоо, алардын жүрүш-турушун көзөмөлдөө жана унаалардын ачкычтарын бербөө керектиги эскертилип өттү. 18 жашка чейин унаа башкарууга катуу тыюу салынган.
Мындан тышкары, ата-энелерге Орозо мезгилинде мектеп окуучуларын ооз ачуу жана таравих намазына өз алдынча жибербеши керектиги түшүндүрүлдү.
