Бишкекте, 13-марттан баштап, Дэн Сяопин проспектин капиталдык ремонттоонун экинчи этабы башталат, бул тууралуу шаардык мэриядан маалымат берилди. Жумуштар жолдун түштүк тарабында жүргүзүлөт.
Ремонттук иштердин жүргүзүлүшүнө байланыштуу Кайназаров көчөсүнөн Сыдыгалиев көчөсүнө чейинки участокто транспорттун кыймылы убактылуу жабык.
Эске салсак, биринчи этаптын алкагында Интергельпо көчөсүнөн Кайназаров көчөсүнө чейинки участок жабылган.
Айдоочуларга маршруттарын алдын ала пландаштырууну жана альтернативдүү жолдорду колдонууга кеңеш берилет.
Учурдагы иштер жолдун жабындысын жакшыртууга, жол кыймылынын коопсуздугун жогорулатууга жана жол инфратүзүмүн модернизациялоого багытталган.
