Аелина Аманбек Карыпкулов атындагы орто мектептин окуучусу жана бала кезинен дизайнер болууну кыялданат. Анын кол өнөрчүлүккө болгон сүйүүсү кичинекей кезинде пайда болгон, ал сүрөт тартуу жана пластилинден ар кандай жаныбарлар менен мультфильм каармандарын жасап ойногон.
«2022–2023-жылдары мен бисер жана бусиналардан сумка токуп жаткан кыздардын иштерине туш болуп, алардын талантына таң калдым. Бул мени ушул өнөрдө өзүмдү сынап көрүүгө шыктандырып, кызыктырып калды», — деп бөлүшөт ал.
2025-жылдан баштап Аелина интернет аркылуу өзүнүн токулган сумкаларын сатууга киришти, бул иштин пайда алып келерине ишенет. Ар бир сумка уникалдуу, ал эми баалары өлчөмдөрүнө, колдонулган материалдарга жана жасалууга кеткен убакытка жараша өзгөрөт. Мисалы, кичинекей сумкалар 1000ден 1500 сомго чейин, ал эми чоң сумкалар 1800дөн 3000 сомго чейин турат. Бир сумканы жасоого 6дан 17 саатка чейин убакыт кетет», — деп түшүндүрөт ал.
Келечекте Аелина интерьер дизайнери болууну пландаштырууда, адамдарга кооздук жаратып, маанайын көтөрүүнү каалайт. Ал өзүнүн жөндөмдөрүн көрсөтүп, кеңири адамдарга пайда алып келүүнү көздөйт.
«Менин ата-энем жана чоң энем менин максаттарыма жетүүмдө чоң колдоо көрсөтүшөт. Алар мени тарбиялап, убакытты акылдуу пайдаланууга үйрөтүштү. Мен аларга абдан ыраазымын», — деп кошумчалады ал.
Объектилер
Спутник
⛶
