Министрликтин басма сөз кызматынын маалыматына ылайык, аталган долбоор боюнча акыркы жумушчу жыйын Кыргыз Республикасынын НАНнын Геология институту менен кызматташтыкта өттү.
Планга ылайык, атлас көп томдуу илимий басылма болуп, региондун геологиялык структурасын, геофизикалык мүнөздөмөлөрүн жана минералдык потенциалын так чагылдырат. Атлас орус жана англис тилдеринде жарык көрөт, бул аны эл аралык аренада илимпоздорго жана инвесторлорго жеткиликтүү кылат.
Табигат министрлиги бул долбоор өлкөнүн илимий жана стратегиялык позицияларын бекемдөөдөн тышкары, геологиялык-өнөр жай комплексинин туруктуу өнүгүшүнүн негизин түзүп, дүйнөлүк илимий коомчулукка интеграциялоого жардам берерин белгилейт.
