Бишкектин 6-м микрорайонунда, Юнусалиев жана Шопен көчөлөрүнүн бурчунда жайгашкан пиццерия ээсинин чечими боюнча демонтаждалууда. Бул тууралуу мэриянын маалымат кызматы билдирди.
Муниципалитеттин маалыматына ылайык, бул жай суу коргоо зонасында жайгашкан, бул болсо мурда түзүлгөн келишимди жокко чыгарууга негиз болду. Жер пайдаланууну көзөмөлдөө башкармалыгы ээсине муниципалдык аймакты бошотуу талабын койгон арыз жөнөттү.
Натыйжада ээсинин өз каалоосу менен демонтаж кылууга макул болду. Учурда конструкцияны бузуу жана ээлеген аймакты бошотуу боюнча иштер жүрүп жатат.
