Бишкекте, Бектурсун Алымов атындагы №39 орто мектепте реконструкциядан кийин ижарага берилген жай табылды. Бул маалымат шаардык администрациядан алынды.
Мэриянын маалыматына ылайык, шаар мэри Айбек Джунушалиев курулуш, архитектура жана коммуналдык чарба министри Нурдан Орунтаев менен бирге мектепти жаңыланган абалы менен таанышуу үчүн барып көрүштү.
Текшерүү учурунда мектептин имаратында ижарага берилген жай байкалган.
Айбек Джунушалиев жооптуу кызматкерлерге аталган жайдын мыйзамдуулугун текшерүүнү жана бул ишти токтотуу үчүн чара көрүүнү тапшырды.
№39 орто мектеп 1971-жылы курулган жана 6-микрорайондо жайгашкан. Анын аймагы 2,047 гектарды түзөт.
Мектеп 1190 окуучуга ылайыкташтырылган, бирок 2025-2026-окуу жылында 55 класста 1648 окуучу билим алууда, анын ичинен 23 класста кыргыз тилинде (617 окуучу) жана 32 класста орус тилинде (1031 окуучу) билим берилет. Окуу процесси эки сменада уюштурулган.
Ушул мекемеде 61 окуу кабинети, медициналык пункт, эки спорт залы, 120 орундуу ашкана, 80 орундуу актовый зал жана кол өнөрчүлүк боюнча кружок үчүн жай бар.
Реконструкция учурунда имараттын капиталдык оңдолушу жүргүзүлүп, аймакты көрктөндүрүү, футбол аянтчасынын курулушу жана жашылдандыруу иштери аяктады.
