Жаңы билим берүү платформасынын негизги максаты — чоңдорго маалыматтык технологиялар тармагында кошумча билим алуу мүмкүнчүлүктөрүн берүү. Проект санариптик билим берүүнү өнүктүрүүгө, жарандардын заманбап IT-программаларга жеткиликтүүлүгүн кеңейтүүгө жана эмгек рыногу үчүн квалификациялуу адистерди даярдоого багытталган.
Өкмөт өкүлдөрү билим берүү процесси заманбап ыкмалар жана санариптик технологияларды колдонуу менен уюштурулаарын белгилешет, бул билим берүү процессинин сапаты жана натыйжалуулугун жакшыртууга жардам берет.
Документте мекеменин структурасы жана штаттык расписаниеси аныкталган, ошондой эле кызматкерлердин эмгек акысынын эсептөөсү үчүн коэффициенттер белгиленген. Эмгек акынын минималдуу базалык ставкасы 7 миң 40 сомду түзөт.
Жаңы мектептин каржылануы республикалык бюджеттин мамлекеттик программаларга жана иш-чараларга бөлүнгөн каражаттарынын эсебинен жүргүзүлөт.
Билим берүү министрлигине жаңы мекеменин уставын иштеп чыгуу, аны юстицияда каттоо жана мектептин ишин уюштуруу тапшырылган.
Бул токтом кол коюлган күндөн тартып 10 күндөн кийин күчүнө кирет.
