Талас облусунда Бакай-Атин районунун жаңы администрация башчысы — Зарылбек Тыныбек уулунун презентациясы өттү. Кыргыз Республикасынын президентинин ыйгарым укуктуу өкүлү Эрмат Жумаев райондун активи менен жолугушуу өткөрүп, аталган маалыматты жарыялады.
Өкүлчүлүк билдиргендей, дайындоо тууралуу жарлык 6-мартта президент Садыр Жапаров тарабынан кол коюлган.
Зарылбек Тыныбек уулу 1990-жылы Жалал-Абад облусунун Базар-Коргон районунда төрөлгөн, жогорку билимге ээ.
Эмгек ишмердүүлүгү тууралуу кыска маалымат:
2018-2020 жж. — Жалал-Абад облусунун «Кыргызтеплокоммунэнерго» мамлекеттик ишканасынын филиалынын орун басары болуп иштеген;
2019-2021 жж. — Жалал-Абад шаардык кеңешинин депутаты болгон;
2021-2025 жж. — «Джалал-Абадводоканал» башкармалыгынын начальниги болуп иштеген;
2025-2026 жж. — «Манасводоканал» башкармалыгын жетектеген.
Аким болуп дайындалганга чейин, 2025-жылдын декабрынан тарта Манас районундагы суу каналынын башкармалыгын башкарган.
