Кыргызстан мусулмандарын башкаруу башкармалыгында зыяратка барууга даярданып жаткан жарандардын коопсуздугуна байланыштуу маселелер талкууланды. Иш-чарага коопсуздук кеңешинин катчылыгы, Тышкы иштер министрлиги, Дин жана улуттар аралык мамилелер боюнча улуттук агенттик, ошондой эле Жарандык авиация мамлекеттик кызматы, авиакомпаниялар жана туристтик агенттиктердин өкүлдөрү катышты.
Ошондой эле, Сауд Аравиясына чыгып кеткендердин коопсуздугун камсыздоо боюнча чаралар жана алардын кайтып келишине байланыштуу маселелер талкууланды. Муфтият учурда «Жазира», «Флайнас», «Эйр Арабия» жана башка авиакомпаниялар аркылуу токтотулган рейстерди калыбына келтирүү боюнча иштер жүрүп жатканын билдирет.
