Ведомствонун маалыматына ылайык, бул иш-чара Кыргызстандагы маданий жашоонун эң маанилүү жана масштабдуу окуяларынын бири болот.
«Биздин өлкөгө биринчи жолу белгилүү LDDLM Crew командасынын катышуучулары келип, профессионалдык мастер-класстарды өткөрөт. Бул команда дүйнөлүк бий сахнасында өзүнүн жаркындыгы жана таасири менен белгилүү. Фестивалда Jean Michel Cruel, StalaMuerte, Junior Yudat жана Xelyna сыяктуу белгилүү бийчилер катышат. Музыкалык коштоону хип-хоптун белгилүү артисти DJ TellaX камсыздайт», — деп билдирет Минкульт.
Фестивалдын программасы төмөнкүлөрдү камтыйт:
- профессионалдык бий мастер-класстары;
- хип-хоп категориясында (башталгычтар жана профессионалдар үчүн) жана all styles боюнча баттлдар;
- европалык эксперттердин катышуусундагы судьялык;
- ар түрдүү өлкөлөрдүн катышуучулары арасында маданий алмашуу.
Бул окуя Кыргызстандагы жаштар жана бий маданияты үчүн маанилүү белги болуп, бул жөн гана мелдеш эмес, ошондой эле тажрыйба алмашуу, профессионалдык жөндөмдөрдү өнүктүрүү жана маданий байланыштарды бекемдөө үчүн эл аралык платформа болуп саналат.
