Талкуу учурунда тараптар шаарды суу менен камсыздоону башкаруу боюнча интеллектуалдык системаларды киргизүү долбоорун карашты. Жалпы инвестициялык сумма $10 миллионду түзөт, бул каражаттар кайтарымсыз грант катары берилет. Долбоордун алкагында «Озгур» тазалоо курулмаларын модернизациялоо жана шаарды суу менен камсыздоону заманбап санариптик жана «акылдуу» технологияларга өткөрүү пландалууда. Ошондой эле, мекеменин уюштуруу жана операциялык мүмкүнчүлүктөрүн жакшыртуу, кызматкерлердин квалификациясын жогорулатуу жана инфраструктураны жаңылоо боюнча чаралар талкууланды. Тараптар долбоорду натыйжалуу ишке ашырууга жана узак мөөнөттүү кызматташтыкты өнүктүрүүгө ниеттеништи.
Бул инициатива Ош шаарындагы суу менен камсыздоону модернизациялоого, ресурстарды пайдаланууну жакшыртууга жана жергиликтүү тургундар үчүн кызмат көрсөтүүнүн сапатын жогорулатууга багытталган.
