Turmush агенттигинин кабарчысы билдиргендей, 45 сотых жер тилкеси облустук ооруканадан алыс эмес, Жакыпов көчөсүндө жайгашат.
Сессия учурунда мэр Каныбек Адиев милициянын региондун жана өлкөнүн коопсуздугун камсыздоодогу маанилүүлүгүн баса белгилеп, депутаттарды кызмат шарттарын жакшыртуу үчүн жер тилкесин берүүгө чакырды.
Ысык-Көл облустук ички иштер башкармалыгынын финансылык бөлүмүнүн начальниги Арсен Самаев жаңы үйдө ротациядан өтө турган кызматкерлер жашарын кошумчалады. Бул турак жай кызматтык болот.
Мындан тышкары, бул жер тилкесинде медициналык борбор жана бала бакча куруу пландалууда.
Ведомстволук үй жети кабаттуу болот.
Добуш берүүнүн жыйынтыгы боюнча депутаттар жер тилкесин үч жылга бөлүүнү бир добуштан колдошту, бул убакыт ичинде курулуш иштерин баштоо керек.
