Иш-чарада шаар жетекчилиги катышты.
Эң негизги маселелердин бири бул аймакта канализация системасын куруу болду. Учурда иштер 200 мм диаметри бар түтүктөрдү колдонуу менен жүргүзүлүүдө. Бирок жергиликтүү тургундар өз үйлөрүнүн бул линияга туташпашы боюнча кооптонууларын билдиришти.
Тургундар, эгер каналдар курулуп жатса, алардын үйлөрүн да бул система менен туташтыруу керектигин белгилешти.
Ал эми санитардык нормаларды сактоо жана жашоо шарттарын жакшыртуу үчүн бул маанилүү экенин баса белгилешти.
«Канализацияны куруу учурунда көп учурда сапатсыз жумуштардын белгилери байкалып калат. Адатта, траншеянын түбүнө 10-15 см кум же майда таш катмары жайгаштырылып, кылдаттап кысылат. Түтүктөрдү орноткондон кийин үстүнө дагы 10-20 см кум же жумшак топурак кошулуп, кайрадан кысылат. Жеке үйлөр үчүн түтүктөрдүн диаметри 110 мм, ал эми көчө канализациясы үчүн — 200 мм жана андан жогору болушу керек. Ошондой эле, суу өз алдынча агып кетиши үчүн туура накалдуулук сакталуусу маанилүү. Бирок азыр коюлуп жаткан бетон түтүктөрү чачырап баштайт жана кысылганда жарылып кетиши мүмкүн. Сиз кетесиз, ал эми бул көйгөйлөр адамдардын моюнунда калат», - деп өз пикирлерин билдиришти жергиликтүү тургундар.
Жолугушуунун жүрүшүндө мэр тиешелүү кызматтарга буйрук берди: «Талас шаардык суу чарба» муниципалдык ишканасынын жетекчилигине курулуш иштеринин аткарылышын кылдат текшерүүнү жана объектти бардык техникалык талаптарды сактоо менен баланска кабыл алууну тапшырды.
Мэрдин айтымында, учурда канализация долбоору башка бюджеттен каржыланууда, келечекте ал шаардык балансқа өткөрүлөт. Ошондуктан бардык этаптар текшерилип, жумуштун сапаты жогорку деңгээлде болушу маанилүү.
Жолугушуунун аягында тургундар Тынчтык жаңы турак жай массивин борбордук канализация системасына туташтыруу боюнча кайрадан өтүнүч билдиришти.
