Кыргыз Республикасынын Саламаттыкты сактоо министрлигинин борбордук аппаратына жаңы биринчи орун басар министрди тааныштырды. Ал президенттин администрациясынын тармактык саясат бөлүмүнүн башкы эксперти Элден Калчакеев тарабынан тааныштырылды.
Ведомствонун пресс-борборунан маалым болгондой, Тилек Мамадалиев бул кызматка министрлер кабинетинин буйругу боюнча дайындалган.
Тилек Мамадалиев буга чейин 2022-жылы ушул кызматты ээлегенин, бирок 2023-жылы Саламаттыкты сактоо министрлигин Алымкадыр Бейшеналиев жетектеп турганда жумуштан бошотулганын эске салуу керек.
