Бишкекте 100дөн ашык мыйзамсыз токтотулган унаалар эвакуацияланып, айып токтотууга жөнөтүлдү, деп билдирет шаардык мэрия.
Шаардык ички иштер башкармалыгынын (ШИИБ) Жол кыймылынын коопсуздугун камсыздоо башкармалыгы (ЖККБ) учурдагы мыйзамга ылайык зарыл протоколдорду түзүштү.
4-мартта шаарда токтотуу эрежелерин бузган унааларды жана токтотуу үчүн төлөм төлөнбөгөн унааларды аныктоо максатында рейддик иш-чаралар өттү. Бул рейддер борбордун төрт районун камтыды.
Бул иш-чаралардын негизги максаты жол кыймылынын коопсуздугун жогорулатуу, транспорттук жүктөмдү азайтуу жана айдоочуларда жол кыймылынын эрежелерин сактоо боюнча жоопкерчиликти калыптандыруу болуп саналат.
Мындай рейддер келечекте туруктуу өткөрүлөт деп пландалууда.
