Мавлюда үч эмдерди төрөбөстөн мурда бир кызын чоңойтуп жаткан.
«Жаңы төрөлгөн кыздардын абалы учурда туруктуу. Төрөлгөндө алардын салмагы 1800, 2220 жана 2320 грамм болду. Бул биздин ооруканадан 2026-жылы жарыкка чыккан биринчи үч эм. Орточо жылына бул жерде онго жакын үч эм төрөлөт», — деп маалымдашты медициналык мекемеден.
Мындай окуянын урматына үч эмдин энесине жана анын кичинекей кыздарына белектер тапшырылды, ошондой эле оорукананын жетекчилиги тарабынан ага жеке каражаттарынан 5000 сом «сүйүнчү» катары берилди.
Үч эмдүү аялды эртең, 4-мартта үйүнө чыгаруу пландалууда», - деп кошумчалашты клиникадан.
Кыздарга Аиша, Айчырай жана Адинай деген аттар берилди.
