«Kolfest — бул музыка, заманбап искусство жана маданий долбоорлорду бириктирген эл аралык маданий фестиваль, ал ар кандай өлкөлөрдөн келген конокторду тартат. 2019-жылы негизделгенден бери фестивалда 18ден ашык өлкөнүн артисттери чыгышты, ал эми жалпы коноктордун саны 30 өлкөдөн 10 миңден ашык болду. Бул окуя Кыргызстанда маданий алмашуу жана креативдүү индустрияларды өнүктүрүү үчүн маанилүү платформага айланды. Фестиваль жеке жерге өткөрүлөт жана бардык иш-чаралар Кыргыз Республикасының мыйзамдарын сактоо менен ижарага алынган аянтчада өткөрүлөт», — деп айтылат команданын расмий билдирүүсүндө.
Уюштуруучулардын айтымында, алар алдын ала билдирип, тиешелүү мамлекеттик органдар жана коопсуздук кызматтары менен тыгыз кызматташып иштешет.
«Биз Кыргыз Республикасының мыйзамдарын сактоого, конокторубуздун жана катышуучуларыбыздын коопсуздугуна, ошондой эле өлкөнүн маданиятына жана салттарына урмат көрсөтүүгө чоң маани беребиз. Биз диалогго ачыкпыз жана мамлекеттик органдар, өнөктөштөр жана коомчулук менен керектүү маалыматтарды бөлүшүүгө даярбыз. Адилеттүүлүк жана фактылар, субъективдүү пикирлер эмес, акыры коомчулукка белгилүү болот дегенге ишенебиз», — деп жыйынтыктады фестивалдын командасы.
