Жакынкы Чыгыштагы кырдаалдын начарлашына байланыштуу Кыргыз Республикасынын Сырткы иштер министрлиги Бириккен Араб Эмирлигинде (БАЭ) жүргөн жарандарга тынчтык сактоону жана жогорулаган этияттыкты көрсөтүүнү катуу сунуштайт.
Министрлик расмий маалымат булактарын, анын ичинде БАЭнин жергиликтүү бийликтери, мисалы, Ички иштер министрлиги жана башка жооптуу уюмдардын билдирүүлөрүн көзөмөлдөөнү жана текшерилген маалыматтарды гана пайдаланууну сунуштайт. Жарандарды текшерилбеген маалыматтарды таратуудан качууга чакырат.
Мындан тышкары, министрлик БАЭ бийликтери жарандарды мейманканаларда кошумча төлөмсүз жайгаштырууну узартуу жана рейстердин жокко чыгарылышы же жылдырылышы себептүү аларды чыгарбоо чечимин кабыл алганын билдирет.
Ошондуктан кыргызстандыктарга мейманканаларда калуу жана бийликтен кийинки көрсөтмөлөрдү күтүүнү, ошондой эле Кыргызстандын чет өлкөдөгү мекемелери, туристтик операторлор, авиакомпаниялар жана мейманкана кызматкерлери менен байланышта болууну сунуштайт.
Аба коркунучунун же башка өзгөчө кырдаалдардын пайда болушу учурунда укук коргоо органдарынын жана мейманканалардын кызматкерлеринин көрсөтмөлөрүнө так ылайык иш-аракет кылуу маанилүү.
БАЭде "жабык асман" режимин эске алып, жер аркылуу же үчүнчү өлкөлөр аркылуу чыгуу өтө зарылчылык болгондо гана каралышы керек жана компетенттүү органдардан расмий маалыматты катуу көзөмөлдөө менен болушу керек.
Кыргызстандык жарандар жөнүндө маалыматтарды оперативдүү алмашуу жана актуалдаштыруу үчүн министрлик Кыргыз Республикасынын элчилигине өзүнүн жайгашкан жерин билдирүүнү өтүнөт, төмөнкү маалыматтарды берип:
- Аты-жөнү;
- туулган күнү;
- паспорт номери;
- БАЭдеги фактический жашоо дареги;
- байланыш маалыматтары.
Бул маалыматтарды төмөнкү байланыштар боюнча жөнөтсө болот:
- БАЭдеги Кыргыз Республикасынын элчилиги:
+971522255269;
- Дубайдагы Кыргыз Республикасынын Генконсулдугу:
+971522918840;
- Кыргыз Республикасынын Сырткы иштер министрлигинин Консулдук бөлүмү:
+996999312002.
