Кыргыз Республикасынын Тышкы иштер министрлиги АКШнын аймагында А.М. аттуу жаранды кармоо тууралуу соңку маалыматтарга жооп берди.
Тышкы саясат мекемесинин маалыматына ылайык, учурда кармалган жаран Аризона штатындагы «Eloy Detention Center» иммиграциялык борборунда, АКШнын Иммиграция жана бажы кызматы (U.S. Immigration and Customs Enforcement, ICE) тарабынан башкарылууда.
Министрликтен билдиришкендей, Кыргыз Республикасынын Чикагодогу Генералдык консулдугу бул иш боюнча активдүү иш алып барууда, тиешелүү америкалык органдар менен кызматташып, кырдаалдын өнүгүүсүн жакындан көзөмөлдөп жатат.
