«Доминик Уэст: Кыргызстан» аттуу көп сериялуу документалдык долбоордун дүйнөлүк премьерасы, эл аралык аталышы «Улуу Жибек жолу аркылуу» деген ат менен белгилүү, 25-февралда Лондондо өттү. Бул тууралуу маалыматты Маданият, маалымат, спорт жана жаштар саясаты министрлиги жарыялады.
Мерекеде фильмдин авторлору, эл аралык маданий коомчулуктун өкүлдөрү жана чакырылган коноктор болушту.
Көрүүчүлөргө фильмди Александра Толстая, Кларк Питерс жана өзү Доминик Уэст сунуштады.
Иш-чаранын алкагында маданият, маалымат жана жаштар саясаты министринин орун басары Тимурлан Ажымалиев чыгып сүйлөп, бул долбоордун уникалдуулугун жана эл аралык маданий диалогду бекемдөөдөгү ролун белгиледи. Ал ошондой эле бул фильмдин Кыргызстанды бай тарыхый мурасы жана уникалдуу маданияты бар өлкө катары дүйнөлүк аренада илгерилетүү үчүн маанилүүлүгүн айтты.
Долбоор тууралуу
«Доминик Уэст: Кыргызстан» документалдык сериалы белгилүү британ актеру Доминик Уэсттин Улуу Жибек жолунун тарыхый маршруттары аркылуу Кыргызстанда болгон саяхаты тууралуу баяндайт.
Фильм көрүүчүлөрдү Кыргызстан, анын маданияты, табияты, тарыхы жана азыркы реалдору менен жакындан тааныштырат.
Саяхат Бишкекте башталат, анда актер Ош базарына жана Ала-Тоо аянтына барып, андан кийин «Манас» эпосунун дүйнөсүнө кирет.
Андан ары маршрут Кара-Суу, Сары-Челек мамлекеттик заповедниги, Кара-Камыш жайлоосу, Таш-Рабат, Ат-Башы району жана Улуу Жибек жолунун тарыхый чекиттеринин бири болгон Торугарт ашуусун камтыйт.
