2023-жылдын 1-апрелинен баштап Кыргызстанда «Түндүк» тиркемеси аркылуу унааларды онлайн каттоо мүмкүнчүлүгү ишке кирет. Бул тууралуу президенттин иш башкаруучусу Каныбек Туманбаев Ош шаарындагы «Унаа» мамлекеттик мекемесинде болгон учурда маалымдады.
Туманбаевдин белгилөөсү боюнча, эми жарандар унааны каттоо үчүн мекемеге жеке барып кереги жок. Жаңы ыкма узун кезектерден качууга жана каттоону алыстан жүргүзүүгө мүмкүндүк берет. Мындан тышкары, документтерди жана мамлекеттик номерлерди үйгө жеткирүү кызматы киргизилет.
«1-апрелден тартып, сиздерге «Унаа» мекемесине мамлекеттик номерлерди жана техникалык паспортту алуу үчүн гана баруу керек болот. Учурда бизде «бирдиктүү терезе» принциби иштеп жатат», - деди ал, жыйналгандарга кайрылып.
Туманбаев ошондой эле жаңы имараттын курулуш процессин көрүп, каржылоого байланыштуу маселелерди чечүүнү тапшырды. Ал объектти быйыл эксплуатацияга берүүнү пландаштырууда экенин баса белгиледи.
