Бул маалымат Ош облусунун ИИБинин басма сөз кызматы тарабынан берилди.
Талкууга Ош облусунун ИИБинин орун басары Ринат Токтобаев, Араван райондук мамлекеттик администрациясынын биринчи орун басары Бакытбек Маматазимов, прокуратуранын өкүлдөрү, КР Ички иштер министрлигинин Коопсуздук кызматын башкаруу Оперативдик борборунун түштүк региону боюнча санариптик көзөмөлдүн начальниги Салмоорбек Шералиев, ошондой эле ИИМдин башка өкүлдөрү, Араван районунун ички иштер бөлүмүнүн начальниги Уланбек Кубатбеков, билим берүү бөлүмүнүн жетекчилери, ата-энелер, мугалимдер жана окуучулар катышты.
Форумда мектептеги рэкет, коомдук жерлердеги санариптик көзөмөл системалары, жаштарды наркка тартуу маселелери жана кылмыштуулукка өбөлгө түзгөн социалдык факторлор боюнча видеоматериалдар көрсөтүлдү. Окуучулар ошондой эле үй-бүлөлүк конфликттер, ажырашуу жана эмгек миграциясынын балдарды тарбиялоого тийгизген таасири тууралуу инсценировкаларды көрсөтүштү.
Сөз сүйлөгөндөр жаштар арасында укуктук аң-сезимди жогорулатуу, мыйзамдуулукту сактоо жана дене тарбиясы боюнча саламат жашоо образын түзүү боюнча пайдалуу баяндамалар менен бөлүшүштү.
Форумдун аягында Араван районунун ички иштер бөлүмүнүн начальниги бул иш-чаранын максаты жаштар арасында укук бузуулардын алдын алуу, коомдук коопсуздукту бекемдөө жана жаш жарандардын туура тандоосуна көмөктөшүү экенин белгиледи. Активдүү катышуучулар ИИМдин жетекчилигинен ыраазычылык жана сыйлыктар алышты.
