Департамент курулуш нормалары жана эрежелеринин сакталышын камсыздоо, ошондой эле курулуш иштеринин аткарылышын көзөмөлдөө үчүн туруктуу текшерүүлөрдү жүргүзүп турат.
Департаменттин Бишкек боюнча башкармалыгы тарабынан жүргүзүлгөн инспекциянын жүрүшүндө Кок-Жар айылында, Мадиев көчөсү, 9 дарегинде жайгашкан көп кабаттуу турак жай комплексинин курулушунда мыйзам бузуу аныкталды.
Текшерүүнүн жыйынтыгы боюнча ОсОО "Аурум Билдинг" боюнча акт түзүлүп, уюмга жазуу түрүндөгү эскертүү берилди жана Кыргыз Республикасынын укук бузуу кодексине ылайык 200 000 сом өлчөмүндө айып пул салынды.
