Ал министрлик бир нече жыл мурун ушул комитеттерди түзүү чечимин кабыл алганын, бул үчүн чет өлкөлөрдөн олуттуу каражаттар тартылганын белгиледи.
«Бул кредиттер салык төлөөчүлөр үчүн оор жүккө айланды, жана бул уюмдун иши пайдасынан зыяны көп болду. Мамлекет жайыт комитеттерин каржылап келген, бирок аларды бириктирген структура эч кимге жооп бербегендай болуп, өтө оор болуп калды. Эми, көрүнүп тургандай, өкмөт өзүнүн жаңылыштыгын түшүнүп, уюмду таратып, айыл өкмөтүнүн алдында мамлекеттик мекемелерди түзүүнү чечти, бул туура кадам», — деди Козуев.
Кыргыз Республикасынын суу ресурстары, айыл чарба жана кайра иштетүү өнөр жайы боюнча биринчи орун басары Жаныбек Керималиев жайыт комитеттери 2009-жылы мыйзам менен түзүлгөнүн кошумчалады.
«Ал кезде бул чечим актуалдуу эле, бирок азыр анын мааниси жоголду. Жайыт комитеттери өзүн актаган жок жана натыйжалуулук көрсөтө алган жок. Уюм өкмөттүк эмес уюм катары иш алып барды, жана аны текшере турган жалгыз орган Счеттук палата болду. Эми болсо бул комитеттер мамлекеттик ишканаларга айланып, район акимдерине түздөн-түз баш ийип калды. Учурда жайыттардын абалын жакшыртуу боюнча кыска мөөнөттүү жана узак мөөнөттүү долбоорлор иштелип чыгууда, алар донорлордун катышуусунда ишке ашырылууда», — деп кошумчалады ал.
