Окуя болгон жерде мэр павильондордун ээлери жана парктын жаңы долбоорлору менен алектенген курулуш компанияларынын өкүлдөрү менен жолугушуу өткөрдү. Талкуу учурунда тараптар өз талаптарын билдиришип, пайда болгон талаш-тартыштардын себептерин түшүндүрүштү.
Жанар Акаев өзүнүн приоритеттери шаардыктар үчүн ыңгайлуу шарттарды түзүү, бизнесмендердин укуктарын коргоо жана Ош шаарында тартипти сактоо экенин белгиледи. Ал ошондой эле пайда болгон маселелерди мыйзамга ылайык, ачыктык жана адилеттүүлүк менен чечүүнүн маанилүүлүгүн белгиледи.
Мындан тышкары, мэрия Алишер Навои атындагы парктын аймагын уюштуруу максатында мурда эски соода палаткаларынын демонтаждалганын, көрктөндүрүү иштеринин жүргүзүлгөнүн жана жаңы дарактарды отургузганын эске салды. Бул чаралар шаар тургундары үчүн коопсуз жана ыңгайлуу эс алуу зонасын түзүүгө багытталган. Эскерте кетсек, соода павильондорун бузуу январь айында мурдагы мэр Женишбек Токторбаевдин буйругу менен башталган.
