Эң жакшы долбоор үчүн конкурс өткөрөт Маданият министрлиги
XI кылымда белгилүү окумуштуу Махмуд Кашгари-Барсканинин түзгөн дүйнө картасынын көчүрмөсүн орнотуу боюнча демилгени мамлекеттик катчы Арслан Койчиев көтөрдү. Бул тууралуу Президенттин администрациясынын маалымат кызматынан билдиришти.
Бул тарыхый карта, ислам ренессансы доорундагы Борбордук Азияга таандык, Ысык-Көлдү дүйнөнүн борбору катары белгилейт.
Долбоор Махмуд Кашгари-Барсканинин туулган күнүнүн 1000 жылдыгына арналган иш-чаралардын бир бөлүгү болуп, Бишкекте ишке ашырылат.
Маданият министрлиги бул идеяны ишке ашыруу үчүн долбоорлорду конкурс негизинде тандоону өткөрөт.
