Ал эми 21-февралдагы эң жылуу күн 1999-жыл болуп, термометрдин көрсөткүчү +20,2 градуска жеткен.
«Аба ырайы жана климат» сайты дүйнөнүн ар кайсы аймактарындагы аба ырайынын шарттары тууралуу маалымат сунуштайт. Ар бир күндүн температура рекорддору узак мөөнөттүн ичинде жыйналган максималдуу жана минималдуу көрсөткүчтөрдүн негизинде аныкталат. Бишкекте аба ырайы боюнча маалыматтар 1936-жылдан 2024-жылга чейин жыйналган, ал эми аномалиялар 1898-жылдан бери катталган.
Бишкектеги февраль айындагы орточо айлык температура адатта -0,5 градус болуп саналат.
Февраль айынын орточо айлык көрсөткүчү боюнча эң төмөнкү температура 1931-жылы болуп, температура -15,3 градус болгон.
Ал эми 2021-жылдагы февраль +3,9 градус менен эң жылуу деп эсептелет.
Синоптиктер 21-февралда Бишкекте булуттуу аба ырайы жана жамгыр күтүлүп жатканын билдиришет. Күндуз температура +11 градуска чейин жогорулап, түнкүсүн +6 градуска чейин төмөндөйт.
