Ал Кыргызстан жергиликтүү жана чет өлкөлүк инвесторлор үчүн эшигин ачаарын белгиледи.
«Мамлекет бизнести өнүктүрүүгө каражат салууга даяр болгон ишкерлерди колдоо үчүн бардык мүмкүнчүлүктөрдү жасап жатат. Биз бизнес үчүн ыңгайлуу чөйрөнү түзүү боюнча иштерди улантабыз жана негизсиз салык текшерүүлөрүнө мораторий киргиздик», - деди президент.
Ошондой эле ал укук коргоо органдары бизнес иштерине кийлигишпеши керектигин айтты.
«Мен күч структураларына кайрылам: биздин мамлекеттин өнүгүшүнө көмөктөшүп жаткан ишкерлерге басым жасабагыла. Эгер мен бизнестин үстүнө кандайдыр бир басым жөнүндө угуп калсам, кесепеттерине таң калбаңыздар», - деди Жапаров.Сөзүнүн аягында президент өзү ишкерлерге да кайрылды.
«Бизнестин өнүгүшү салык түшүүлөрүнүн көбөйүшүнө жана жаңы жумуш орундарын түзүүгө алып келет, бул мамлекетке да, элге да пайда алып келет. Мен мамлекеттен колдоо сезип, өсүү үчүн бардык зарыл шарттарды алып, ишкерлер өз ишин адилеттүү жүргүзүп, салыкты жашырбайт деп үмүттөнөм», - деп жыйынтыктады ал.
