Бул белгилүү блогерлердин жардамы менен мамлекеттик кызматкерлер кыргызстандык туризмдин санарип мейкиндигиндеги көрүнүктүүлүгүн жогорулатууга жана жаңы аудиторияны тартууга ниеттенишет.
Тараптар Кыргызстандагы туристтик маршруттар жана локациялар боюнча контентти биргеликте иштеп чыгуу, ошондой эле пресс-турларга, эл аралык көргөзмөлөргө, форумдарга жана PR-инициативаларга катышуу боюнча макулдашышты. Фонд маалыматтык жана уюштуруу колдоосун көрсөтөт, ал эми блогерлер өлкөнүн туристтик мүмкүнчүлүктөрү тууралуу өз аудиториясына маалымат жеткирип, ар кандай тармактык долбоорлорго кошулушат.
2022-жылдан бери Sary Kyz деген ат менен белгилүү Лариса Булина Кыргызстанды популяризациялоого активдүү катышып, анын маданияты, салттары жана аймактары боюнча саякаттар тууралуу контент түзүүдө.
Argen Sigma болсо шаардык жана табигый көрнөк-жерлерге байланыштуу визуалдык контент жана видеопроекттерди түзүүгө басым жасайт. Анын эмгектери социалдык тармактарда, айрыкча жаштар арасында, кеңири аудиторияны тартууда.
