Учурда өлкөнүн ашууларында кар жаап жатат.
Транспорт жана байланыш министрлиги берген маалыматка ылайык, жолдордо кыймылга чектөө жок жана ашуулар унаа өтүш үчүн ачылган.
Жол кызматтары өздөрүнө бекитилген участкалардагы жолдордун абалын үзгүлтүксүз көзөмөлдөп турушат.
Өтүшчү бөлүктү тазалоо жана аны бекемдөө иштерин кум-туз аралашмасын колдонуу менен жүргүзүүдө.
Министрлик айдоочуларга каршы тилкеге чыгуудан качууну, жол кыймылынын эрежелерин так сактоону жана коопсуздук үчүн зарыл болгон жабдыктарды алып жүрүүнү сунуштайт.
