Маалыматка ылайык, иш-чара гүл коюу менен башталды. «Жалгыз аялдын үнү» мелодиясынын астында катышуучулар каза болгон жоокерлерди бир мүнөт үнсүздук менен эскеришти. Андан кийин метроном угулуп, алардын урматына үч жолу ок атылды.
Иш-чарага Бишкек мэри Айбек Джунушалиев, коргоо министринин орун басары Алмазбек Кулмурзаев, Кыргызстандын Россиядагы элчилигинин коргоо маселелери боюнча атташе Игорь Довбня, ошондой эле афган жоокерлери жана коомчулуктун өкүлдөрү катышты.
Афган согушу көптөгөн үй-бүлөлөр үчүн оор сыноо болуп, өлкөнүн тарыхында белгилүү из калтырганын белгилөө керек.
