"Жаңы жер тилкелеринде алардын балдары жашап жатат"
Кыргызстанда болжол менен 2,5 миң үй-бүлө жер тилкелерин алышты, бирок кооптуу аймактардан көчүшкөн жок. Бул тууралуу брифингде Өзгөчө кырдаалдар министрлигинин биринчи орун басары Азамат Мамбет уулу билдирди.
Ал кар жана мөңгүлөрдүн эриши кооптуу табигый көрүнүштөргө, мисалы, көчкү жана сел агымдарына алып келиши мүмкүн экенин белгиледи. Мамлекеттин аймагында коопсуздукка коркунуч туудурган 11 миңден ашык жер тилкеси жана көчкүгө кабылуучу 4 миңден ашык аймак аныкталган, бул аймактарда 4 миңге жакын үй-бүлө жашайт.
Берилген жер тилкелерине карабастан, 2,5 миң үй-бүлө мурдагы жашаган жерлерин таштаган жок.
«Жаңы жер тилкелеринде алардын балдары жашап жатат, ал эми өздөрү кооптуу аймактарда калууда. Кээ бирлери көчкү болушу мүмкүн экенин тастыктап, жазуу түрүндө макулдашышат. Өзгөчө кырдаалдар министрлигинде мажбурлап көчүрүү мүмкүнчүлүктөрү жок. Биз мындай үй-бүлөлөр менен иш баштоо үчүн укук коргоо органдарына кайрылдык», — деп түшүндүрдү куткаруучу.
сүрөт www
