7-апрель күнү Бишкекте Медеров жана Ахунбаев көчөлөрүнүн ортосунда жайгашкан жылуулук тармагында авария болду. Шаардык бийликтен алынган маалыматка ылайык, 900 мм диаметри бар жылуулук түтүгү жабыркаган.
Бул маселени чечүү үчүн эски түтүк убактылуу өчүрүлүп, альтернативдүү түтүккө туташтырылды.
Окуяга карабастан, шаар тургундары үчүн жылуулук камсыздоо токтогон жок. Алгач ысык суу убактылуу өчүрүлдү, бирок учурда ал этап-этабы менен калыбына келтирилүүдө. 5-микрорайондо ысык суу толук көлөмдө берилүүдө, ал эми башка райондордо анын калыбына келтирилиши болжол менен 4 саатты алат.
Аварияны жоюу иштерине кран, экскаватор, жылжуучу насос станциясы жана эки атайын фургонду камтыган 5 бирдик атайын техника катышууда.
Расмий билдирүүдө жаңы түтүктү орнотуу иштерин бир күндүн ичинде аяктоо үчүн бардык зарыл чаралар көрүлөрү айтылган.
