Ош шаарындагы А. Навои атындагы парктын аймагында 2 миңден ашык дарак көчөттөрү, анын ичинде ясень, вяз (карагач), катальпа жана клен остролистный отургузулду. Иш-чара шаар мэри Женишбек Токторбаевдин катышуусунда өттү.
Жергиликтүү бийлик тарабынан берилген маалыматка ылайык, жашылдандыруу иштеринин максаты шаардыктардын эс алуусу үчүн таза жана жакшы шарттарды түзүү.
Мындан мурда шаар башчысынын демилгеси менен демонтаждоо иштери жүргүзүлгөн: бир нече соода павильондору жана эски имараттар алынып салынган, жашоочулар үчүн заманбап шарттарды түзүү үчүн аймак даярдалган.
