Иш-чарада кеңештин төрагасы Калыс Джаныбеков, анын орун басары Алибий Жуманов, ошондой эле депутаттар, шаар мэринин орун басары Айбек Көчөрбаев жана жергиликтүү муниципалдык ишканалардын жетекчилери катышты. Жолугушууга Таластын чыгыш бөлүгүндөгү тургундар чогулду.
Кеңешме учурунда тургундар көптөгөн маанилүү маселелерди көтөрүштү. Көтөрүлгөн көйгөйлөрдүн катарына айрым көчөлөрдө канализациянын жоктугу, таза ичүүчү суу менен камсыздоо, жаңы бала бакчанын курулушу, балдардын оюн аянтчаларын түзүү, жолдорду асфальттоо, жаңы светофорлорду орнотуу жана коомдук транспорттун маршруттарын көбөйтүү кирет.
Суроолорго жооп катары, бийлик өкүлдөрү көрсөтүлгөн көйгөйлөрдү чечүү мөөнөттөрү жана пландалган иштер тууралуу түшүндүрмөлөрдү жана маалыматтарды беришти.
