Эки уюмдун биргелешкен билдирүүсүндө оору учурларынын азайышындагы оң динамика, оору учурун токтотууга багытталган активдүү чаралардын натыйжасында жетишилгендиги, анын ичинде кошумча иммунизациялык кампаниялар жана өткөн оору учурунда жетишсиз вакцинацияланган топтордо инфекцияга сезгич адамдардын санын азайтуу белгиленген.
Анткен менен, 2025-жылдагы оору учурларынын деңгээли 2000-жылдан кийинки көпчүлүк жылдардагы көрсөткүчтөрдөн дагы жогору, ал эми кээ бир өлкөлөрдө 2024-жылга салыштырмалуу оору учурларынын өсүшү байкалууда. Корь оорусу 2026-жылы дагы катталып жатат.
ЮНИСЕФтин Европа жана Борбордук Азия боюнча региондук директору Регина Де Доминичис, бул кооптуу инфекциянын кайтып келишине шарт түзгөн жагдайлар дагы эле бар экенин баса белгиледи. Ал, бардык балдар вакцинацияланмайынча, вакцинация боюнча чечимсиздик маселеси, көп учурда дезинформациядан улам пайда болгон, чечилмейинче, оорунун жана өлүмдүн жогорку тобокелдиги сакталат деп айтты.
Европалык регионалдык ДСУнун жетекчиси Ханс Хенри П. Клюге, акыркы үч жылда корь менен 200 миңден ашык адам ооруп калганын эске салды. Ал, ар бир коомчулукта вакцинациянын 95 пайыздык камтылышына жетүү, иммунитеттеги боштуктарды жоюу жана вирусунун жайылышын токтотуу үчүн эпидемиологиялык көзөмөлдү күчөтүүнүн маанилүүлүгүн белгиледи.
Европалык регионалдык комиссиянын корь жана кызылча оорусун жоюу боюнча текшерүү маалыматтарына ылайык, инфекциянын туруктуу же кайрадан пайда болгон эндемиялык жугушу бар өлкөлөрдүн саны 19га жетип, акыркы жылдардагы корь менен күрөшүүдө эң чоң артка кетүү болуп калды.
ДСУ жана ЮНИСЕФ өкмөттөр жана эл аралык өнөктөштөр менен биргеликте вакцинация программаларын күчөтүп, медициналык кызматкерлерди окутуп, иммунизациядагы боштуктарды толтуруу боюнча кампанияларды жүргүзүүнү улантууда.
Башкы беттеги сүрөт иллюстративдик: Shutterstock.
