30-январдан 2-февралга чейин «Окуу-специализация» бажысынын базасында өткөрүлгөн семинардын алкагында Мамлекеттик бажы кызматынын кызматкерлери кызматтык иттерди тарбиялоонун заманбап ыкмалары жөнүндө билим алышты.
Бул иш-чара кинологиялык бөлүмдөрдүн кызматкерлеринин кесиптик жөндөмдүүлүктөрүн жана компетенцияларын жогорулатуу үчүн уюштурулган.
Семинар, Кыргыз Республикасындагы Дүйнөлүк бажы уюмунун регионалдык окуу борборун өнүктүрүү жана кинологиялык ишмердүүлүктү бекемдөө үчүн түзүлгөн ведомстволор аралык меморандумдун бир бөлүгү болуп калды.
Семинарга бажы органдарынын кинологдору, Ички иштер министрлигинин СБНОН Кинологиялык борборунун, ГКНБнын 9- кызматынан, ошондой эле Кыргызстан, Казакстан жана Россиядан келген кинологдор союзунун өкүлдөрү катышты.
Курстарды Россиянын кинологиялык көп күрөш боюнча эки жолку чемпиону Анна Скопинова өткөрүп, өзүнүн билимдери жана тажрыйбасы менен бөлүштү.
Семинарда 38 катышуучунун арасында бажы кызматынын 7 кызматкери болду, жана алардын бардыгы иш-чаранын аягында сертификат алышты.
