Бүгүн Ош шаарында мэр Женишбек Токторбаев эртең мененки рейд өткөрүп, аны Мамажан жана Алымбек Датка көчөлөрүнүн кесилишинен баштады. Бул тууралуу муниципалитеттин басма сөз кызматы билдирди.
Рейддин алкагында мэр тиешелүү кызматтарга Алымбек Датка көчөсүндө кыймылды кыйындаткан мыйзамсыз курулуштарды жана объектилерди жоюу боюнча тапшырма берди. Ошондой эле соода жайлары катары жашоого берилген жайларды мыйзамсыз пайдалануу учурларын аныктоо тапшырмасы берилди.
Шаар башчысы көчөнү кеңейтүү менен байланыштуу, кээ бир турак үй ээлеринин жаңы «Эне-Сай» турак массивине көчүрүлөрүн белгиледи.
Анын айтымында, учурдагы долбоорлор шаар инфраструктурасын кыйла жакшыртууга багытталган.
