Ал көрүстөндү рекультивациялоо алкагында ар бир кабырдын ачылышынан мурун атайын дары-дармек колдонулуп жатканын белгиледи.
«Көчүрүү иштери кечээ башталды. Учурда 50 сөөгү чыгарылды, алар көрүстөндүн башка жагына көчүрүлүүдө. Биз бардык санитардык нормаларды катуу сактап, терс кесепеттерди болтурбоо үчүн аракет кылып жатабыз», — деди Таныров.
Көчүрүү белгиленген эрежелерге ылайык жүргүзүлүүдө.
Мурда маалымдалгандай, өткөн жылы Алымбек-датка көчөсүнүн резиденциядан борбордук аянтка чейинки асфальттоо иштери аяктаган, ал эми быйыл А.Навои көчөсүнө чейин иштерди аяктоо пландалууда.
Расмий маалыматтарга ылайык, Ош шаарында 49 көрүстөн бар: алардын 14ү жабык, 35и болсо иштеп жатат.
Turmush мурда жариялаган маалыматтарга ылайык, шаардык бийликтин пландарында колдонулбай жаткан көрүстөндөрдү рекультивациялап, алардын ордуна көп кабаттуу турак жайларды куруу бар.
Муниципалитеттин маалыматына ылайык, рекультивацияланып жаткан «Хохлово» көрүстөнү 40 жылдан бери колдонулбай келет. Анын базар баасы 20 миллион доллар түзөт.
Галерея: Ошто рекультивацияланган көрүстөндүн ордуна көп кабаттуу имараттар куруу пландалууда.
Учурда Ош шаарында 50 көрүстөн бар, алардын 15и жабык, 5и болсо рекультивация процесстен өттү. Рекультивацияланган участкаларды максаттуу пайдалануу боюнча көрсөтмөлөр берилди жана эски көрүстөндөрдүн ордунда көп кабаттуу үйлөрдү куруу мүмкүнчүлүгү каралууда.
Жакында шаар четинде 13 гектар 60 соток аянтты ээлеген жаңы көрүстөн ачылды, бул шаар ичиндеги эски көрүстөндөрдү жабууга жардам берет.
