Чүй районунун архитектура жана курулуш башкармалыгынын адистери жаңы эскиз долбоорун сунушташты, деп билдирет Министрлер кабинетинин маалымат кызматы.
Бул долбоор Чүй районунда жайгашкан «Бурана мунарасы» археологиялык-архитектуралык музей комплекси аймагын жакшыртууга багытталган. Пландын алкагында жашылдандыруу, кичи архитектуралык формаларды орнотуу, автоунаа токтотуучу жайларды түзүү, ошондой эле туристтер үчүн ыңгайлуу коомдук мейкиндикти түзүү каралган.
Эскиз долбоорунун максаты жергиликтүү жана чет элдик туристтер үчүн музей комплексине келгендерге ыңгайлуу, коопсуз жана заманбап шарттарды түзүү. Долбоордо жөө жүрүү жолдору, эс алуу зоналары, жашыл насаждалар жана туристтик инфраструктураны өнүктүрүүгө көмөктөшүүчү элементтер каралган.
