Женишбек Токторбаев Шейит-Дөбө көчөсүн канализацияга туташтыруу боюнча иштер жакын арада башталарына ынандырды. «Мурда канализациялык сууга арыкка төгүлүп жаткан, бул биздин рейд учурунда ачыкка чыкты», — деди мэр.
Мындан тышкары, мэр 2026-жылга чейин МТУ «Сулайман-Тоо» районунда 11 километр жолду асфальттоо пландалганын билдирди. Алымбек-датка көчөсү да кеңейтилип, асфальтталат. «Курманжан-датка жана Алымбек-датка көчөлөрүнүн тургундарына жолдун жээгине өсүмдүктөрдү отургузуудан баш тартууну сунуштайм — мэрия жашылдандыруу менен алектенет», — деп кошумчалады ал.
Алымбек-датка көчөсүнүн жээгиндеги 11 метр узундуктагы зират участогу рекультивацияланат, ал эми көчө төрт жолдуу болот.
