Мэриянын маалымат кызматы билдиргендей, аталган тема борбордун Транспорт жана жол-транспорт инфраструктурасын өнүктүрүү департаментинде өткөн жумушчу жыйында талкууланган.
Жыйын мэрдин орун басары Рамиз Алиевдин жетекчилиги астында өтүп, тиешелүү департаменттин адистерин жана «Цифрдык технологиялар борбору» муниципалдык ишканасынын, «Кыргыз темир жолу» мамлекеттик ишканасынын жүргүнчүлөрдү ташуу башкармалыгынын жана «Тулпар» компаниясынын өкүлдөрүн чогултту.
Бишкек мэриясынын сүрөтү
Жыйында учурдагы темир жол тармагы шаардыктар үчүн, айрыкча пик убактарда, эффективдүү жана ылдам кыймылдоо жолу болушу мүмкүн экенине көңүл бурулду. Катышуучулар темир жол байланыштарын мурдагы маршруттар менен интеграциялоо мүмкүнчүлүктөрүн талкуулашты.
Атап айтканда, автобустарды жаңы маршруттарды түзүү сунушталды, алар автовокзалдарды жана темир жол станцияларын жашоо райондору жана шаардагы маанилүү жерлер менен байланыштырат. Мындай ыкма ыңгайлуу өткөрмө түйүндөрүн уюштурууга жана автомобиль жолдоруна түшкөн жүктү азайтууга мүмкүндүк берет.
Мындан тышкары, келечектеги ташууларды санариптик колдоо маселелери, анын ичинде поезддердин GPS-мониторингин киргизүү жана «Менин шаарым» тиркемесинде темир жол жана жер үстүндөгү транспорттун расписаниесин реалдуу убакытта көрсөтүү талкууланды.
Жыйындынын жыйынтыгы боюнча жооптуу ведомстволорго аталган долбоордун техникалык, логистикалык жана уюштуруу аспектилерин тереңдетип иштеп чыгуу тапшырылды. Мэрия альтернативдүү транспорт түрлөрүн өнүктүрүү борбордун туруктуу мобилдүүлүк стратегиясынын маанилүү бөлүгү болоорун баса белгилейт.
