Жакында КФСтин Башкы катчысы Медербек Сыдыков жана техникалык директор Дайнис Казакевич Джалал-Абад облусундагы иш сапарынын алкагында Манаста жайгашкан "Барселона" футбол академиясына барышты.
Визит учурунда алар академиянын жетекчилиги жана машыктыруучулар курамы менен жолугушуп, жаш футболчулардын даярдыгы боюнча маселелерди талкуулашты. Мындан тышкары, КФСтин өкүлдөрү гранттык негизде билим алып жаткан оюнчулардын көрсөтмөсүнө катышышты.
"Барселона" академиясы Кыргыз футбол союзу менен активдүү кызматташып, кыргызстандык спортчулардын жаңы муунун өнүктүрүүгө, заманбап окуу методикаларын профессионалдык спорттун салттуу баалуулуктары менен бириктирүүгө көмөктөшүүдө.
