Лебединовка-ГЭС-5 автожолунун участогунда учурда активдүү жер казуу иштеринин жүргүзүлүп жатканы тууралуу маалыматты Кыргыз Республикасынын Транспорт жана байланыш министрлиги билдирди.
Министрликтин маалыматына ылайык, долбоордун алкагында тротуарларды түзүү, жарык берүүчү жабдууларды орнотуу, ошондой эле учурдагы көпүрөнү кеңейтүү жана жаңы жөө адамдар үчүн көпүрө куруу пландалууда.
Лебединовка-ГЭС-5 жолунун узундугу 5,1 км. Реконструкциянын жүрүшүндө жолдун категориясы өзгөртүлүп, жүрүү бөлүгү эки жолдон төрт жолго кеңейтилип, биринчи асфальтбетон катмары төшөлдү.
Негизги жолго кошумча жаңы эки жолдуу трасса курулат, ал «Биримдик-Кут» турак жай массиви менен байланыштыруучу болот. Кесилген дарактардын ордуна 20% көп жаңы көчөттөр отургузуу пландалууда.
