Жогорку Кенештин агрардык комитетинин жыйынында «Газпром» ЖЧКсынын өкүлү Чүй облусунда газдаштыруу боюнча маалымат бөлүштү.
Депутат Эркайым Сейтказиева региондогу газдаштыруу иштеринин учурдагы абалы боюнча жаңыртууларды сурады.
Компаниянын өкүлүнүн айтымында, 2025-жылга чейин Новопокровка, Лебединовка жана Новопавловка сыяктуу айылдарда газдаштыруу аякталат.
«Новопокровкада 5 980 үйдө газды активдүү туташтыруу жүрүүдө. Жакын арада «Энесай», «Военно-Антоновка», «Биримдик», «Орок», «Селекция» жана «Сарбан» турак жай массивдерин газдаштыруу пландалууда», — деди ал.
