Ведомствонун маалыматына ылайык, жолугушууда Ийри-Суу айылында жашоочулар Кыргызстан айылындагы жолдун абалы, электр стеллалары жана трансформаторлор менен байланышкан көйгөйлөр, ошондой эле коңшу аймактардан келген малдын кесепетинен жайыттардагы кыйынчылыктар тууралуу бир катар актуалдуу маселелерди көтөрүштү. Ветеринардык тейлөө маселелери да талкууланды.
Ал эми Жазы айылдык округунун жолугушуусунун катышуучулары ФАПтын ишинин натыйжалуулугун, ашыкча чыгымдарды кыскартуу зарылдыгын жана Зергер, Кутурган жана Аюу айылдары үчүн бийик тоолуу аймак статусун алуу маселелерин талкуулашты.
Төрт-Көлдүн жашоочулары электр энергиясына болгон өсүп жаткан муктаждыкка көңүл бурушту.
Райондун акими Каныбек Апбасов жергиликтүү маанидеги маселелер боюнча жашоочулардын пикирлерин угуп, көтөрүлгөн көйгөйлөрдү чечүү үчүн тиешелүү мекемелердин жана уюмдардын жетекчилерине көрсөтмөлөр берди.
