Мэриянын басма сөз кызматынан маалымдашкандай, тосмолор унаа менен сүзүшүп, зыянга учураган.
«Бул участокто тосмону унаа уруп кеткен. Жабдыкчыларга маалымдалды, тосмолор калыбына келтирилет», - деп билдиришти мэриядан.
Маалыматка ылайык, аталган участокто алты тилкелүү кең жолду ОАО «Аэродромдорстрой» куруган. ОАО «Аэродромдорстрой» мэрия менен 390 млн сомдук жол куруу боюнча келишим түзгөн.
Буга чейин Turmush 2025-жылдын 8-декабрында Алишер Навои көчөсүнүн участокту Алыбек-датка жана Курманжан-датка көчөлөрү менен кесилишкен жеринде ремонттук-калыбына келтирүү иштеринен кийин ачылганын жазган.
Мэрия бул участокту кеңейтүү максатында жапкан. Ремонттон кийин жол бир тилке кеңейип, азыр беш тилкелүү болуп калды. Ошондой эле тротуарларга асфальт төшөлүп, коргоочу тосмолор орнотулган. Ош шаардык жол башкармалыгынын башчысы Женишбек Шоноев ремонттук-калыбына келтирүү иштерин бир акционердик коом жүргүзгөнүн билдирген. Азырынча так чыгымдардын сметасы даярдалган эмес.
«Алдын ала 20 млн сомго жакын каражат сарпталган, бирок так смета дагы бекитилген жок», - деди Ж.Шоноев.
Буга чейин Алишер Навои көчөсүнүн участокту Курманжан-датка жана Гапар Айтиева көчөлөрү менен кесилишкен жеринде алты тилкеге чейин кеңейтилип, бүгүн ачылган участок беш тилкелүү болуп калды, ал эми көчөнүн калган бөлүктөрү алты тилкелүү бойдон калууда.
