Ведомствонун маалыматына ылайык, бул демилге окуучуларга жана мугалимдерге заманбап агрономиялык технологияларды киргизүүгө, өсүмдүктөрдү өстүрүүгө жана инновациялык ыкмаларды бөлүшүүгө мүмкүнчүлүк берет.
Министрлик мектептеги чарбаны окуу процессине интеграциялоого жана бул участокторду ар кандай предметтер боюнча практикалык билим берүү үчүн пайдаланууга чоң маанини берет. Бул ошондой эле окуучулардын туруктуу экологиялык жашоо образына көндүрүүгө жардам берет.
Ошондой эле «Мектеп тамактануусунун институттук структурасын баалоо жана жакшыртуу» долбоорунун алкагында бул тармакты жөнгө салган учурдагы нормативдик базаны кеңири талдоо жүргүзүлүүдө. Санитардык жана гигиеналык нормалар заманбап талаптарды эске алуу менен кайра каралууда. Мындан тышкары, Кыргызстанга мүнөздүү салттуу продуктыларга жана актуалдуу илимий маалыматтарга негизделген мектеп окуучулары үчүн туура тамактануу боюнча сунуштар иштелип чыгууда.
