Милициянын маалыматына ылайык, 28-январда алардын бөлүмүнө Б.Э. аттуу жаран кайрылып, 14-январда саат 13:20 чамасында белгисиз кыз бир соода борборундагы бутиктен 14 миң сомдук алтын шакек уурдап, окуя болгон жерден качып кеткенин билдирген.
Ленин районунун Ички иштер башкармалыгы тарабынан башталган териштирүүнүн натыйжасында, Кыргыз Республикасынын Кылмыш-жаза кодексинин 205-беренеси «Уурулук» боюнча кылмыш иши козголду.
Оперативдүү-издөө иш-чараларынын жүрүшүндө шектүү катары 2007-жылы төрөлгөн А.Ж. аттуу кыз аныкталып, кармалды. Ал Бишкек шаардык Ички иштер башкармалыгынын убактылуу кармоо жайына жайгаштырылды.
Учурда анын дагы үч окшош уурулукка катышы бар-жогун текшерүү иштери жүргүзүлүүдө. Териштирүү уланууда.
